Pjesa më e madhe e prindërve fokusohen shumë në kujdesin sa më mirë për fëmijën. Është gjithashtu e rëndësishme që të kujdeseni mirë edhe për veten tuaj në të njëjtën kohë. Në këtë mënyrë do të filloni të ndjeheni më mirë me veten, më të fortë dhe më të mirë-pajisur për t'u marrë me përgjegjësitë tuaja si prindër të rnijë. Gjithashtu mund t’iu ndihmojë të zhvilloni dhe të mbani një kornizë pozitive të mendjes, e cila është e nevojshme për përmbushjen e sfidave të reja me sukses. Pranë Qendres së Arritjeve dhe Zhvillimit të Down Syndrome Albania prindërit mund të bëhen pjesë e këshillimit individual me psikolog.
Këtu janë disa këshilla të cilat mund të jenë të vlefshme për prindërit:

Ji i durueshëm me veten
Rruga për pranim është një proçes, kështu që jepi vetes kohë për t'u marrë me ndjesitë tuaja emocionale. Shpesh herë ju mund të ndjeni sikur jeni duke bërë hapa prapa, por duhet t’a pranojmë se kjo gjë nuk do të thotë që ju nuk jeni duke bërë përparime. Nëse ju mendoni se do të ishte e dobishme, mos hezitoni të kontaktoni psikologun. Ai mund t’iu ndihmojë të gjeni mënyra për të përballuar dhe për të zhvilluar besimin në aftësitë tuaja për të trajtuar sfidat.

Ndërtoni një sistem mbështetje
Të afërmit tuaj, miqtë, shokët do të jenë një mbështeje shumë e madhe për ju. Mundohuni të krijoni një rreth të ngushtë ku të flisni hapur me to rreth shqetësimeve që keni gjatë rritjes së fëmijës tuaj. Kjo i lejon të dashurit tuaj të kuptojnë se çfarë ju jeni duke kaluar dhe u jep atyre një mundësi për t’iu ofruar rehati dhe mbështetje.

Kujdesuni për shëndetin tuaj fizik
Studimet tregojnë se të mbajturit e një regjimi ushqimor të shëndetshëm dhe ushtrimet fizike mund të zvogëlojnë lodhjen, nervozizmin dhe rrezikun për sëmundje të caktuara dhe komplikacioneve shëndetësore.

PRAKTIKA "jetojnë në këtë moment"
Ndërsa është e rëndësishme të menduarit rreth së ardhmes, shqetësimet në lidhje me të mund t’iu çojnë drejt përjetimit të ndjenjave të ankthit. Edhe pse kjo mund të duket e vështirë, përpiquni të përqëndroheni vetëm në atë që ju mund të bëni realisht në të tashmen. Nëse e gjeni veten duke u shqetësuar në lidhje me një situatë të veçantë, provoni këtë strategji:
1.Identifiko problemin
2. Hulumtimo rreth opsioneve që disponon
3. Merr një vendim
4. Cakto një datë në të ardhmen për të vlerësuar sesi po ecën vendimi juaj
5. Ndërkohë, thjesht shkoni me vendimin që keni zgjedhur dhe besoni se ai do të funksionojë më së miri.

Asnjëhërë MOS harroni "gjërat e rëndësishme në jetë"
“Ushqeni” çdo ditë marrëdhëniet me partnerin tuaj, fëmijët, miqtë dhe familjen. Komunikoni me njëri-tjetrin, qeshni, bëni gjëra argëtuese së bashku, festoni traditat tuaja, dhe sigurohuni se po kaloni kohë cilësore me fëmijën tuaj me sindormë dhe që nuk po përqëndroheni në aftësinë e kufizuar të tij ose të saj. Fakti se fëmija juaj ka sindromën Down është një sfidë për ju. Por kjo nuk ndryshon gjërat që janë me të vërtetë të rëndësishme në jetë.