Udhëzuesi “Praktika të Rekomanduara për Ndërhyrjen në Fëmijërinë e Hershme: Udhëzues për profesionistë” vjen i shumëpritur në gjuhën shqipe nga Fondacioni Down Syndrome Albania si një përkthim nga versioni në anglisht “Recommended Practices in Early Childhood Intervention: A Guidebook for Professionals”.
Përmes botimit të këtij Udhëzuesi, Down Syndrome International (DSi) synon të përmirësojë edukimin e personave me
sindromën Down në mbarë botën dhe të kontribuojë në përmbushjen e së drejtës së tyre për edukim gjithëpërfshirës dhe
njësoj cilësor duke promovuar edukimin e tyre gjatë gjithë jetës, në përputhje me Nenin 24 (E drejta për Edukim) të Konventës së Kombeve të Bashkuara për të Drejtat e Personave me Aftësi të Kufizuara (KDPAK, OKB, 2006) dhe Objektivin e Zhvillimit të Qëndrueshëm Nr. 4 (OZHQ 4 - Edukimi) të Agjendës për Zhvillimin e Qëndrueshëm të Kombeve të Bashkuara (OKB, 2015).
Ky botim u realizua në sajë të zbatimit të nën grant-it “Together We Grow Stronger” në kuadër të projektit “Të rinjtë për të drejtat e njeriut në Shqipëri” i bashkëfinancuar nga Bashkimi Evropian dhe i zbatuar nga World Vision Albania dhe SEEYN i cili synon të fuqizojë organizatat e shoqërisë civile dhe angazhimin/aktivizimin e të rinjve në promovimin e të drejtave të njeriut në Shqipëri.
Pranë Fondacionit Down Syndrome Albania, prindërit, familjarët dhe të tjerë të interesuar, mund të marrin Këshillim Ligjorë mbi të drejtën për Arsimin e fëmijëve me Sindromën Down në kuadër të Arsimimit Gjithëpërfshirës.
Ky udhëzues u vjen në ndihmë të gjithë kujdestarëve, edukatorëve dhe psikologëve të kopshteve dhe çerdheve, të cilët punojnë me fëmijët me aftësi të kufizara dhe specifikisht me sindromën Down.
Qëllimi i këtij udhëzuesi është të informojë saktë edukatorët dhe psikologët e kopshteve dhe çerdheve rreth të drejtave të fëmijëve me Sindromën Down për arsim gjithëpërfshirës, të informojë për aspektet dhe specifikat e zhvillimit të këtyre fëmijëve së dhe të udhëzojë edukatorët dhe psikologët në punën e tyre të përditshme akademike dhe përkujdesëse me fëmijët me sindromën Down.
