Thirrje për punësim për terapistë ABA

         Termat e Referencës

 

Pozicioni/Shërbimi:	Terapist ABA (4 persona)
Projekti/EmriiProgramit:	PRO PAK
Llojiikontratës:	Kontratë me kohë të plotë
Periudha e kontratës: Ditët e punës:	Fillon nga Mars-Prill 2019 5 ditë/javë

 

 

Përmbledhje mbi Fondacionin Down Syndrome Albania

 

 

Fondacioni Down Syndrome Albania (DSA) është një organizate jo fitimprurëse themeluar më 2013 dhe punon në fushën e të drejtave të njeriut, me nje fokus tek të drejtat e personave me aftësi të kufizuara.

 

DSA advokon për të drejtat dhe nevojat e individëve me sindromën Down në Shqipëri dhe ofron  shërbime për fëmijet dhe adultet me sindromën Down dhe të tjera aftësi të kufizuara intelektuale si dhe mbështetje për prindërit e tyre. Fushat tona të ekspertizës përfshijnë; vlerësimin dhe zhvillimin e fëmijëve dhe të rinjve;  hartimin e planeve individuale të edukimit dhe ndjekjen e tyre;  mbështetje të prinderve përmes këshillimeve individuale dhe seancave në grup; trajnime me fokus kryesor tek mësuesit, psikologët, terapistë të gjuhës dhe të folurit, punonjës sociale dhe të tjerë profesionistë që punojnë me individë me aftësi të kufizuara;  botimin e udhërrëfyesëve praktikë për punën profesionale në fushën e aftësisë së kufizuar; design dhe implementimin e fushatave të advokimit, ndërgjegjësimit si dhe fushatave për mbledhje të fondeve; organizimin e konferencave dhe tryezave të rrumbullakta.

 

DSA është anëtare në:

-          Global Down Syndrome Foundation

-          Down Syndrome International (DSI)

-          European Down Syndrome Association (EDSA)

-          European Association of Service Providers for People with Disabilities (EASPD)

 

Projekti “PRO PAK”, të cilin DSA është duke implementuar konsiston në dizenjimin dhe implementimin e këtyre aktiviteteve:

 

1.    Zgjerimin dhe përshtatjen e hapësirave të reja të shërbimeve në qytetin e Tiranës.

 

2.    Ofrimin e shërbimeve terapeutike për fëmijët me aftësi të kufizuara 0-12 vjeç, shërbime të autonomisë personale dhe sociale për individë të moshës 12- 25 vjeç si dhe mbështetje për familjet e tyre.

 

3.    Realizimin e 2 Planeve të Biznesit për ofrimin e 2 shërbimeve inovative.

 

Per të implementuar projektin "PRO PAK" , Down Syndrome Albania duhet të punësojë 4 (katër) terapistë ABA për tëofruar shërbimin si më poshtë:

 

 

Qëllimi i shërbimit:

 

1.      Terapistët ABA do të ofrojnë shërbime terapeutike në qendër për fëmijët me aftësi të   kufizuara.

 

 Rolet dhe përgjegjësitë e terapistit fizik:

 

1.      Të ndjekë rigorozisht planet e edukimit individual për cdo fëmijë.

2.      Mbajtja e të dhënave për çdo program të çdo fëmijëqë merr shërbime në qendër.

3.      Të ketë kontakt me familjet e fëmijës dhe të ofrojë rekomandime të përditshme.

4.      Të raportojë tekTeam Leader dhe Drejtori i Shërbimeve.

5.      Të respektojë rregulloren e brendshme të DSA.

6.      Të marrë pjesë në çdo aktivitet që DSA organizon në qendër dhe jashtë saj.

 

Aftësitë dhe përvojat paraprake të kërkuara nga kandidatët:

 

-          Diplomë në psikologji ose pedagogji

-          Master në Psikologji Klinike, Shkollore apo pedagogji speciale

-          Trajnim në metodën ABA

-          Minimumi 1 vit eksperiencë pune me fëmijët me Aftësi të Kufizuara

 

 

Kandidatët duhet të dërgojnë dokumentet e mëposhtme:

 

            - CV  të përditësuar

            -Letër Interesi

Të interesuarit të dërgojnë CV-në e tyre së bashku me një letër interesi në adresën Questo indirizzo email è protetto dagli spambots. E' necessario abilitare JavaScript per vederlo. dhe Questo indirizzo email è protetto dagli spambots. E' necessario abilitare JavaScript per vederlo. me subjekt

“Terapist ABA- PRO PAK”.

Dokumentacionet mund të dërgohen edhe fizikisht pranë zyrave te Fondacioni Down Syndrome Albania në adresën: Rruga Xhon Kenedi, 200 m pasi kalon nënkalimin për tek rezidenca Kodra e Diellit.

Aplikimet janë të hapura deri më 14 Shkurt 2019, ora 17:00. 

Kandidatët e përzgjedhur do të kontaktohen me e-mail brenda muajit Shkurt 2019.